Ces deux François, en leur jeunesse forte,
Furent François de nom, païs et grace,
En leur vivant, furent de mesme sorte,
Aymans la paix et les armes en place,
L’un filz de Roy, l’autre de mesme race,
L’un triomphant, l’autre victorieux,
Et qui plus est : leurs noms en divers lieux,
Aux ennemys servoient de honte et crainte,
Las ! fiere mort, à l’umbre de leurs jeux,
Les print tous deux, mais ce fut par contrainte.