❧ A treshault, trespuissant, et tresmagnanime dominateur, Philippes Roy d’Hespagne. François Habert son treshumble et tresobeissant serviteur, desire salut et félicité perpetuelle. Sonnet en vers alexandrins

Si ma Muse autrefoys s’est presentée aux yeux

De Henry Roy benin, prudent, et venerable,

Duquel la Fille belle, excellente, admirable

Est vostre chere Espouse en soulas gracieux,

O magnifique Roy, s’il en est soubs les Cieux,

Je vous doy honorer d’un escrit perdurable,

Pour chanter vostre honeur, et force incomparable,

De vostre Espouse aussi, thresor tant precieux.

Doncques je vous supply, O Roy trescatholique,

De vouloir prendre en gré cest œuvre poëtique,

Qui voz vertus publie à la posterité.

Quiconques le lira, il aura cognoissance

Combien un chacun doibt porter d’obeissance

A vostre grand pouvoir et haulte auctorité.

Source

Numerisation https://gallica.bnf.fr/ark:/12148/bpt6k70370d/f3

Copiste

Claire Sicard

Edition Liminaire dans Habert François, Eglogue Pastorale sur l’union nuptialle de treshault, et trespuissant Seign..., Paris, Moreau Jean (libraire parisien), Malet Valérienne (veuve Nicolas Buffet), 1559, f. A v°

Relation s'adresse à Philippe II d'Espagne (21 May 1527-13 Sep 1598)

Relation mentionne Henri II (31 Mar 1519-10 Jul 1559)

Relation évoque Elisabeth de France (2 Apr 1545-3 Oct 1568)

Pièce 31481

PRÉSENTATION

TRANSCRIPTION SCRIPTA MANENT

ATTESTATION (1 édition)

PERSONNES (3 citations)

POUR CITER CETTE FICHE