Quid torpetis adhuc ? linquite, linquite
Parnasi bifidum, linquite verticem
Divæ Pierides, cernitis emori
Num fontis latices sacros ?
Figentes tumulo huic oscula, dicite
Heu fati nimium et ter nimium gravis
Sed vi Syderea pulsa necessitas,
Inflecti prece nescia.
Heu
BRYNO jacet hinc,
BRYNO reconditus
Angusto in tumulo, quem sibi prætimens
Musarum impetibus, mors cita sustulit
Incautum, rapida manu.
Nec
BRYNO jacet hinc, sistite iam gradum
Divæ Pierides, Pierium in jugum,
Victurum è tumulo, concite transtulit
Alis fama loquacibus.